Қарағанды облысындағы мамандандырылған музыка мектеп-интернаты «Туған жер» бағдарламасын насихаттау мақсатында оқушыларға арқа жерінен шыққан атақты музыканттардың еңбектерін оқытуда. Бұл бастаманың тәрбиелік мәні өте жоғары. Жұдырықтай жұмыла кіріскен мектеп ұжымы болашақ ұрпақтың бойында туған жерге деген махаббат пен Отанған деген патриоттық сезімді қалыптастыруда. Биылғы оқу жылының алғашқы жарты жылдығында-ақ өнер ордасының 77 тәрбиеленушісі түрлі деңгейдегі байқауларға қатысып, 65 шәкірт лауреат, дипломант атанған. Бұл ұстаздардың тынымсыз еңбегі мен оқушылардың талпыныс-талаптарының нәтижесі.
