Қарағандыда қазақтан шыққан тұңғыш математика профессоры Әлімхан Ермеков пен Тәуелсіздіктің 25 жылдығына арналған мемлекетіміз тарихындағы алғашқы математикалық олимпиаданың жабылуы орын алды. Мектеп оқушылары арасындағы математика жарысына еліміздің әр аймағынан ең білімді 8-9 сынып оқушылары шақыртылды. Олимпиаданың екі кезеңінде жас математиктер күрделі тапсырмаларды орындады. Білім додасына 115 оқушы қатысты. Үздіктерді марапаттау барасында Қазақстандық танымал ғалымдардың есімдерімен аталған номинациялар мен ақшалай сыйақы иелері анықталды.
